Naša učenica Tara Šljivančanin (I s) ostvarila je izvanredan uspjeh na međunarodnom turniru „10th Asteriks Cup“, koji je održan 16. maja u Nišu.
Na ovom prestižnom takmičenju učestvovali su sportisti iz više od 15 zemalja, a Tara je sjajnim nastupom osvojila zlatnu medalju. Na putu do najsjajnijeg odličja savladala je dvije takmičarke iz Izraela i jednu iz Hrvatske, pokazavši izuzetnu borbenost, talenat i sportski duh.
Ponosni smo na uspjeh naše učenice, koja je dostojno predstavila svoju školu i ostvarila zapažen rezultat na međunarodnoj sportskoj sceni.
Čestitamo Tari i želimo joj još mnogo uspjeha i osvojenih medalja u budućnosti!
