Na poziv Zavoda za udžbenike i nastavna sredstva, a povodom obilježavanja Svjetskog dana učitelja, Gimnazija „Slobodan Škerović” dala je doprinos događaju nazvanom „Učitelji su srce obrazovanja”, održanom 3. oktobra. Razgovor o izazovima i značaju profesije prosvjetnog radnika vodila je Jadranka Đerković sa svojim gostima: učiteljem Savom Kovačevićem, profesorkom Gordanom Vučinić i Anđelom Bulajić, producentkinjom i ovogodišnjom dobitnicom nagrade Ratkovićevih večeri poezije za mlade pjesnike. Ovom okupljanju u prostoru knjižare ZUNS-a naročitu draž dali su učenici osnovnih škola i naša maturantkinja Lejla Agović koji su govorili o važnoj ulozi učitelja u njihovom stasavanju i sazrijevanju. U ime značaja i odgovornosti ove profesije za svako napredno društvo, svim kolegama naše, ali i ostalih obrazovnih ustanova u Crnoj Gori, čestitamo Svjetski dan učitelja koji se 5. oktobra proslavlja širom planete.
Svjetski dan učitelja
