Volonterski klub Gimnazije “Slobodan Škerović” danas je obilježio Međunarodni dan volontera i jubilej – 11 godina postojanja Kluba. Okupljeni u dvorištu škole, volonteri su, zajedno s ostalim učenicima i nastavnicima, poslali poruku o važnosti uključivanja mladih u volonterske aktivnosti i ulozi škole u formiranju vrijednosti koje se volontiranjem razvijaju.
Članovi Volonterskog kluba ujedno čestitaju Međunarodni dan volontera svim volonterima u Crnoj Gori. Hvala vam što svi zajedno mijenjamo sebe i sredinu u kojoj živimo. Želimo čestitati ovaj dan i svima onima koji će tek postati volonteri, onima koji se do sada nisu društveno angažovali, pozvati ih da se pokrenu, stvore viziju i uključe u razne volonterske organizacije. Budimo promjena − koju želimo vidjeti!
